وێنەی رەئیسی لەگەڵ عەبدوڵاهیان.وێنە.ئاژانسی فەرمی ئێران
دۆزرانەوە
سەرۆککۆمار و هاوڕێکانی لە ناو کۆپتەرە تێکشکاوەکە گیانیان لەدەستدا
964+
توانا نەقی
دوای نزیکەی 20 کاتژمێر گەڕان بەدوای ئەو کۆپتەرە کە سەرۆککۆماری ئێرانی تیادا بوو لە سنووری تەبرێز تێکشکا کۆپتەرەکە دۆزرایەوە و سەرۆککۆمار و سەرجەم هاوەڵانی گیانیان لەدەستدا.
لەناو کۆپتەرە تێکشکاوەکەدا 9 کەس گیانیان لە دەستدا کە پێکهاتوون لە سەرۆککۆماری ئێران و وەزیری دەرەوە و پارێزگاری ئازربایجانی رۆژهەڵات و ئیمامی تەبرێز لەگەڵ تیمی پاسەوان و فڕۆکەوان.
هەرزوو لەگەڵ بەرەبەیانی ئەمڕۆ دا ئاژانسە فەرمیەکانی ئێران گیان لەدەستدانی ئیبراهیم رەئیسی سەرۆککۆمار و وەزیری دەرەوەی ئێران و هاوڕێکانی دیکەیان راگەیەیاند.
