بۆچی؟
لە کۆڵانەکانی حەمدانیە شەڕە ئاوە
964+
ئەحمەد عەبدوڵا
لە کۆڵانەکانی حەمدانیە شەڕە ئاوە و هەر کێ بەوێدا تێپەڕێت تەڕی دەکەن، ساڵانە 40 رۆژ دوای جەژنی قیامە بەبۆنەی “بەرزبوونەوەی مەسیح” گەورە و منداڵ ئاو بەیەکدا دەکەن.
بە هەر کۆڵانێکدا بڕۆیت پروشکی ئاوت بەر دەکەوێت، ئەم نەریتە بەبۆنەی “بەرزبوونەوەی مەسیح” ئەنجام دەدرێت، لای ئەوان رشتنی ئاو هێمای پاکی و ژیانی نوێیە.
جەژنی “قیامە” لەلای مەسیحییەكان، بە دووەم جەژن دادەنرێت دوای جەژنی لە دایكبوونی مەسیح كە دەكەوێتە سەری ساڵی نوێی زاینی، ئەم جەژنەش لای شوێنكەوتووانی ئاینی مەسیحی، واتە زیندوو بوونەوەی مەسیح دوای لە خاچ درانی.
بۆ پیرۆز راگرتنی ئەو رۆژەیش مەسیحییەكان لە دوای 40 رۆژ بە رۆژوو بوون، پێشوازی لە جەژنی “قیامە” دەكەن .