کاتی وەرگرتنی بڕوانامەکە لە لایەن وەزیری شارەوانی و گەشتوگوزارەوە - وێنە: وەزارەتی شارەوانی و گەشتوگوزار
سوودەکەی چییە؟
بڕوانامەی ئایزۆی دیوانی وەزارەتی شارەوانی بۆ ساڵی دووەم نوێکرایەوە
964+
پێشەوا محەمەد
دیوانی وەزارەتی شارەوانی بۆ ساڵی دووەم بڕوانامەی ئایزۆی نێودەوڵەتیی پێدرایەوە، وتەبێژەکەی دەڵێت، ئەو بڕوانامەیە لە عێراق بە کەم دامەزراوە دراوە.
جگە لە دیوانی وەزارەت، سەرۆكایەتیی شارەوانیی هەولێر و بەڕێوەبەرایەتیی گشتیی ئاو و ئاوەڕۆ بڕوانامەکەیان وەرگرتووە و وا بڕیارە لە داهاتوودا هەموو سێكتەر و بەڕێوەبەرایەتییە گشتییەكانی تریش هەمان بڕوانامە وەربگرن.
ئایزۆ سیستمێکی کوالێتیی جۆرییە لە زۆرێک لە وڵاتان بەکاردێت، بڕوانامەی لە زۆربەی بوارەکاندا هەیە و ئیدارییەکەی پێی دەوترێت ئایزۆ 9001.
تۆڕی 964 دەزانێت، ساڵی رابردوو دیوانی وەزارەتی شارەوانی و گەشتوگوزاری حکومەتی هەرێم ماوەی هەشت مانگە لە لایەن کۆمپانیایەکی ناوخۆییەوە خولیان بینیوە و دواتر تاقیکردنەوەیان کردووە و بڕوانامەکەیان وەرگرتووە.
کوردۆ شابان، وتەبێژی وەزارەتی شارەوانی و گەشتوگوزار بە 964ـی راگەیاند، هەر دەزگا و دامەزراوە و فەرمانگەیەک لە دنیادا بڕوانای ئایزۆی نەبێت دانی پێداناندرێت.
بڕوانامەی ئایزۆ دوای بینینی خول لە لایەن چەند وڵاتێکەوە دەدرێت، ئەوەی دیوانی وەزارەتی شارەوانی لە وڵاتی ئەڵمانیا وەرگیراوە.
“سیستمی ئایزۆ گەندەڵی ناهێڵێت و رۆتینات کەم دەکاتەوە، سیستمێکی ئیداریش دروست دەکات، کە هەرکەس بچێتە ئەو فەرمانگەیە دەبێت بەو سیستمە کاربکات”، وتەبێژەکەی وەزارەتی شارەوانی وای وت.
