دیمهنێكی دانانى قه‌نته‌ره‌كه‌ى گوندى هۆره‌یس ... وێنهكان: سۆشیاڵ میدیاى قایمقامى سیده‌كان
پێشتر لافاو بردبووى
قه‌نته‌ره‌كه‌ى گوندى هۆره‌یس داندرایه‌وه
964+
فه‌رهاد حه‌سه‌ن
چه‌ند رۆژێكه رێگاوبانی سۆران خەریکی دانانەوەی قه‌نته‌ره‌كه‌ى گوندى هۆره‌یسە له سنوورى قه‌زاى سیده‌كان، كه پێشتر به‌هۆى لافاوه‌وه ئاو بردبووى و ئاسته‌نگى بۆ هاتوچۆى هاوڵاتیانى گونده‌كه دروست كردبوو.
قه‌نته‌ره یان ئارامكۆ، جۆره پلێتێكی ئاسنینى چوار مللیمه‌ترییه و وه‌كو پردی په‌ڕینه‌وه له‌ناو ئاوى رووباره‌كان داده‌ندرێت.
خوسره‌ت سادق، به‌ڕێوه‌به‌رى گشتى چاككردنه‌وه و پاراستنى رێگاوبانى سۆران به 964ـى وت، ئه‌مڕۆ كاره‌كانى دانانى قه‌نته‌ره‌كه ته‌واو ده‌كرێت.
وتیشی “ئه‌و قه‌نته‌رانه‌ى پێشتر بۆ ئه‌م گونده داندرابوو چوار دانه بوون دوو له‌وان به‌هۆى كۆنیان رزى ببون و كه دوو مانگ له‌مه‌وبه‌ریش بارانێكی زۆر بارى ، لافاو ته‌واوى پارچه‌كانى ئه‌و قه‌نته‌ره‌یه‌ى بردبوو”.
ئاماژه‌ى به‌وه‌شكرد، بودجه‌ى ته‌رخانكراو بۆ كڕین و دانانه‌وه‌ى قه‌نته‌ره‌كه 29 ملیۆن دینار بووه له‌سه‌ر بودجه‌ى ئیداره‌ى سه‌ربه‌خۆى سۆران.
قه‌نته‌ره‌كه، گوندى هۆره‌یس به گونده‌كانى دیكه‌و سه‌نته‌رى قه‌زاى سیده‌كان ده‌به‌ستێته‌وه و رێگاى هاتوچۆى خێزاتر له 30 خێزانى ئه‌م گونده‌یه.