دیمهنێكى دواى چاندنى دارهكان له قوتابخانهكهى هه‌ولێر ... وێنه: راگهیاندنى فه‌رمانگه‌ى ژینگه‌ى هه‌ولێر
زیاتر له 400 داریان لێ چاند
ژینگه‌ى هه‌ولێر ده‌ستى به سه‌وزكردنى قوتابخانه دێرینه‌كه كرد
964+
فه‌رهاد حه‌سه‌ن
فه‌رمانگه‌ى ژینگه‌ى هه‌ولێر ده‌ستى به دروستكردنى سه‌وزایی له قوتابخانه‌یه‌كی دێرینى هه‌ولێر كرد كه ته‌مه‌نى قوتابخانه‌كه 54 ساڵه و خاوه‌ن رووبه‌رێكی فراوان و بێ سه‌وزایی بوو.
قوتابخانه‌ى ئاماده‌یی كوردستانى كوڕان، به یه‌كێك له دێرینترین ناوه‌نده‌كانى خوێندن له‌هه‌ولێر داده‌ندرێت و ساڵى 1970 دروستكراوه.
دڵشاد هیرانى، به‌ڕێوه‌به‌رى فه‌رمانگه‌ى ژینگه‌ى هه‌ولێر، به 964ـى وت، ئه‌مڕۆ ده‌ستیان به سه‌وزكردنى رووبه‌رێكی زۆرى قوتابخانه‌كه كردووه.
وتیشی “140 دارى ئه‌كاسیا، زه‌یتون، سنه‌وبه‌ر و 270 په‌رژینى دۆدۆنیا لەسەر رووبه‌رى هه‌زار و 200 مه‌تر دووجا چێندرا”.
ئاماژه‌ى به‌وه‌شكرد، پێشتر كه سه‌ردانى ئه‌م قوتابخانه دێرینه‌یان كردووه به‌ڵێنى سه‌وزكردنیان پێداون و ده‌شڵێت “ئه‌مڕۆ كه رۆژى ژینگەى کوردستانه، لەژێر رۆشنایى رێنمایى 1ـى ساڵى 2024ـى دەستەى پاراستن و چاککردنى ژینگەى هەرێم لە حوکمە کۆتاییەکان، به‌پێی مادەى 13 لە بڕى سەوزاكردن، بۆمان جێبه‌جێكردن”.