کرێکارێک سووتاوە
بەرگری شارستانی هەولێر: ئەوە سێیەم جارە ئاگر لەو کۆگایە دەکەوێتەوە
964+
شیراز عەبدوڵا- هەولێر
ئاگری کۆگای بەنزیخانەی کۆچەر لە هەولێر کۆنتڕۆڵکرا و بەرگری شارستانی هەولێر دەڵێت، ئەوە سێیەم جارە ئاگر لەو کۆگایە دەکەوێتەوە لەماوەی چەند ساڵی رابردوودا.
کاروان میراودەلی وتەبێژی بەرگری شارستانی هەولێر بە 964ی راگەیاند، ئاگرەکە کۆنتڕۆڵکراوە و هێشتا هۆکاری ئاگرەکە نادیارە، نۆ تیم بەشداری کوژاندنەوەی ئاگرەکەیان کردووە و کرێکارێکیش قاچی سووتاوە.