هێڵی گەرمی فریاگوزاری راگەیندرا
لافاو لەزاخۆ دروستبووە و ئاو چووەتە شەش ماڵەوە
964+
شڤان عەبدوڵا – زاخۆ
بەهۆی بارانبارینی بەخوڕی ئەمڕۆی قەای زاخۆ ئاو لە چەندین گەڕەک کۆبووەتەوە و شەش ماڵیش ئاوی تێچووە.
شەقامێکیش بەهۆی لافاوەکەوە داخرا و تیمەکانی فریاگوزاریش لە ئامادەباشیدان.
جەمال هەسن بەڕێوەبەری بەرگری شارستانی زاخۆ بە 964 وت، تا ئێستا هیچ زیانێکی گیانی و مادی بەهۆی دروستبوونی لافاوەوە نەبووە، بەڵام ئاو چووەتە ناو شەش ماڵ و تا دێت ئاستی ئاوی خابووریش بەرزدەبێتەوە و ئێستا نزیکەی پێنج مەترە، تیمەکانمان لەحاڵەەتی ئامادەباشیدان و هێڵی گەرممان راگەیاندووە.
وتیشی، لەکاتی دروستبوونی مەترسی لەسەر هەر ماڵ و گەڕەکێک پەیوەندی بە هێڵی گەرمی 115ـەوە بکەن و بەهانایانەوە دەچن.
پێداچوونەوە: توانا نەقی