ژینگه‌دۆستێك له پشده‌ر
ره‌گى كه‌نگر له بازاڕ كۆده‌كاته‌وه و له چیاى ده‌یانچێنێته‌وه
964+
فه‌رهاد حه‌سه‌ن
ژینگه‌دۆستێكى سنورى پشده‌ر له بازاڕه‌كانى گژوگیاى به‌هارە، ره‌گى ئه‌و كه‌نگرانه‌ى كۆدەکاتە‌وه كه هاوڵاتیان به‌ڕه‌گه‌وه هه‌ڵیان كێشابوون، له به‌شێكی چیاى كێوه‌ڕه‌ش ره‌گه‌كانى چانده‌وه.
به‌كر سه‌عید، ژینگه‌دۆست و ئه‌ندامی گروپی شاخه‌وانى كوریس له قه‌ڵادزێ، له‌كاتى چاندنه‌وه‌ى ره‌گى كه‌نگره‌كان ڤیدیۆیه‌كی تۆمار كردووه و داوا ده‌كات سنوورێك بۆ قه‌تلوعامكردنى گیاى به‌هاره دابندرێت.
باس له‌وه ده‌كات، ناكرێت هاوڵاتیان كه گیاى به‌هاره ده‌هێننه‌وه به‌ڕه‌گه‌وه هه‌ڵیبكێشن.