لە مانگێکدا لە سلێمانی نزیکەی سێ هەزار بتڵی خوێن راکێشراوە

توانا نەقی

لە ماوەی مانگێکدا لە بانکی خوێنی سلێمانی نزیەی سێ هەزار بتڵی خوێن راکێشراوە و نزیکەی حەوت هەزار کەسیش سەردانیان کردووە.

بەڕێوەبەرایەتی تەندروستی سلێمانی بڵاویکردەوە، لەماوەی مانگی رابردوو لە رێكەوتی 1 بۆ 31.3.2024 لە بانكی خوێن لەشاری سلێمانی شەش هەزار و 775 کەس سەردانیان كردووە و دوو هەزار و 855 بتڵ خوێن لە بانكی خوێن و سەرجەم نەخۆشخانە حكومی و تایبەتەكان راكێشراوە.

دەشڵێت، مانگی رابردوو 745 بتڵ خوێن لە نەخۆشخانەی تالاسیما و 394 بتڵ خوێن لە نەخۆشخانەی هیوا و 292 بتڵ خوێن لە نەخۆشخانەی شار و 82 بتڵ خوێن لە نەخۆشخانەی منداڵ بوون و 781 بتڵ خوێن لەنەخۆشخانە ئەهلیەكان راكێشراوە.

هەر بە پێی ئامارەکەی تەندروستی سلێمانی، لەماوەی مانگی رابردوودا لەبانكی خوێن سێ هەزار و 605 پشكنینی هیماتۆلۆجی و دوو هەزار و 873 پشكنینی گروپی خوێن و دوو هەزار 814 پشكنینی ڤایرۆسات و هەروەها 1648 جیاكردنەوەی پێكهاتەكانی خوێن ئەنجام دراوە.