رۆناڵدۆ لە کاتى ئاهەنگێڕان وێنە: پەڕەى نەسر
بە یەک گێم سێ گۆڵ دوو ئەسیست
هاتریکانۆ یان رۆناڵدۆ؟
964+
وریا فەتاح
سەرەڕاى ئەوەى لە 39 ساڵى تەمەنیدایە، بەڵام رۆناڵدۆ گوێ بەم ژمارەیە نادات و بەردەوامە لە هەژاندنى تۆڕى گۆڵەکان و لە یارییەکەى ئەمشەویشدا بە یەک گێم هاتریکى تۆمارکرد و دوو ئەسیستى بۆ هاوڕێکانى کرد.
لە ئێستادا یارى نێوان یانەى نەسر و یانەى ئەبها لە خولى رۆشەنى سعودى بەڕێوە دەچێت و یاریزانەکان چوونەتە پشوى نێوان گێمەکان و گێمى یەکەم بە پێنج گۆڵى بێ وەڵام لە بەرژەوەندى نەسڕ تەواو بووە.
کریس لە یارى رابردوودا هاتریکى تۆمارکردبوو، ئەمشەویش بە گێمێک هاتریکى تۆمارکرد و دوو گۆڵى بۆ هاوڕێکانیشى دروستکرد. بەڵام گێمى دووەم پشوى پێدرا.
ئێستا کە هەفتەى 25ـى خولى رەوشەنە، کریستیانۆ رۆناڵدۆ بە 29 گۆڵ و بە تەنیا پێشەنگى ریزبەندى گۆڵکارانى گرتووە، جگە لە پێشەنگى گۆڵکاران، دۆن پێشەنگى گۆڵدروستکارانیشى گرتووە.