بزانە لە کوێ دادەنرێت
سەیدسادق دەبێتە خاوەنى تەلەفریک
964+
بڕوا مجید – شارەزوور
شارەوانى سەیدسادق دەیەوێت پارکى گشتى قەزاکە نۆژەن بکاتەوە، تەلەفریک و بەشى ئەسپسواریشى بۆ دەکەنەوە.
ماوەى 11 ساڵە پارکی گشتی قەزای سەیدسادق لەسەر رووبەری 21 دۆنم زەوی دروستکراوە و دراوە بەکەرتی تایبەت، بەڵام بەهۆی وازهێنانی کۆمپانیاکە، پارەکەکە بوەتە وێرانە و هیچ خزمەت گوزارییەکی ئاو کارەبا وسەوزای تێدا نەماوە.
شارەوانى قەزاکە دەیەوێت پارکەکە نۆژەن بکاتەوە، لەقۆناغى یەکەمدا 4 هەزار و 500 نەمامى جۆراوجۆریان لە پارکەکەدا چاندووە، بە وتەى حەمزە محەمەد، سەرۆکى شارەوانى قەزاکە، وابڕیارە لەماوەیەکی نزیکدا لە رێگەی موزایەدەوە بدرێت بەکۆمپانیایەک و بۆماوەی چوارساڵ بەکرێ تێیدا کاربکات.
سەرۆکى شارەوانى سەیدسادق بۆ 964 وتیشى،”ئێستا سەرقاڵی نۆژەنکردنەوەی پارکەکەین و بەشێوازێکی جوان و مۆدێرن نۆژەنی دەکەینەوە، لەگەڵ نۆژەنکردنەوەکەدا ئەگەر کۆمپانیاکە بۆیان بکرێت لە دەمانەوێت مەیدانی ئەسپسواری و تەلەفریک بۆ پارکەکە دابین بکەین .
شارەوانى سەیدسادق لەگەڵ کۆمپانیایەکى ئێرانى قسەیان کردووە و دەیانەوێت لە رێگەى ئەو کۆمپانیایەوە تەلەفریکێک لە ناو پارکەکە دابنێن و بۆسەر شاخى سەیدسادق بەرزى بکەنەوە کە درێژییەکەى 2 کیلۆمەترە.
پێداچوونەوە: وریا فەتاح
