ڤیدیۆ… به هاتریك شێرپه‌نجه‌ی به‌زاند
964+
ئه‌رسه‌لان عه‌بدوڵڵا – هه‌ولێر
سباستیان هاله‌ر هێرشبه‌ری یانه‌ی بۆروسیا دۆرتموندی ئه‌ڵمانی، به تۆماركردنی سێ گۆڵ له ماوه‌ی هه‌شت خوله‌كدا، شێرپه‌نجه‌ی به‌زاند.
له یارییه‌كی دۆستانه و ئاماده‌كاریدا، یانه‌ی بۆروسیا دۆرتموندی ئه‌ڵمانی به ئه‌نجامێكی گه‌وره و به 6-0 گۆڵ له یانه‌ی بازلی سویسری برده‌وه، یارییه‌كه دوێنێ هه‌ینی له ئیسپانیا كرا.
له یارییه‌كه‌دا سباستیان هاله‌ر توانی سێ گۆڵ “هاتریك” له ماوه‌ی ته‌نیا هه‌شت خوله‌كدا تۆمار بكات، به‌مه‌ش گه‌ڕانه‌وه‌یه‌كی سه‌رنجڕاكێشی پێشاندا و هیوایه‌كی گه‌وره‌ی بۆ به‌زاندانی شێرپه‌نجه ده‌رخست.
یاریزانەکە لە مانگی تەمموزی 2022، تەنیا دوو هەفتە دوای پەیوەندیکردن بە دۆرتموند و پێش ئەوەی هیچ یارییەک ئەنجامبدات، تووشی شێرپەنجەی گون بوو، به‌ڵام له ماوه‌ی رابردوو چاره‌سه‌ری كیمیایی وه‌رگرتووه، هه‌فته‌ی رابردووش گه‌ڕایه‌وه مه‌شقه‌كانی تیپه‌كه‌ی.
هاله‌ر كۆتدیڤوارییه، به‌ڵام له پاریس له‌دایكبووه، ته‌مه‌نیشی 28 ساڵه.