پڕۆژەکان چین؟
بە نزیکەی ملیارێک و 500 ملیۆن دینار پڕۆژە لە هەولێر جێبەجێ دەکرێت
964+
پێشەوا محەمەد
وەزاەتی شارەوانی و گەشتوگوزاری هەرێم جێبەجێکردنی چوار پڕۆژەی بە گوژمەی ملیارێک و 474 ملیۆن دینار لە شاری هەولێر راگەیاند.
وەزارەتەکە ئەمڕۆ چوارشەممە 27.3.2024 بڵاویکردەوە. پڕۆژەکان لەسەر داهاتی 100% و 15%ـی سەرۆکایەتیی شارەوانیی هەولێر جێبەجێ دەکرێن.
بەپێی راگەیەندراوەکەی وەزارەتی شارەوانی و گەشتوگوزار، پڕۆژەکان خزمەتگوزارین و لە دروستکردنی شەقام و کۆنکرێت و دروستکردنی پارک.
پڕۆژەکان بریتین لە:
*دروستکردن و قیرتاوکردن و کۆنکرێتکردنی چەند شەقامێک لە گەڕەکی تووڕەق.
*پڕۆژەی قیرتاوکردنی سێ کۆڵان لە گەڕەکی فەرمانبەران.
*پڕۆژەی قیرتاوکردنی شەقامێکی 20 مەتری لە گەڕەکی زیلان.
*دروستکردنی پارکێک لە گەڕەکی ژیان.