لە بازیان و کەلار دوو چەکداری داعش دەستگیرکران
964+
هاوبەش ئەبوبەکر – سلێمانی
لە بازیان و کەلار لە سنووری پارێزگای سلێمانی دوو چەکداری داعش دەستگیرکران، دەزگای دژە تیرۆری عێراق وا دەڵێت.
ئەمڕۆ هەینی، 13ی کانونی دووەم، دەزگای دژەتیرۆری عێراق لە راگەیەنراوێکدا وتی “هێزەکانیان لە چوارچێوەی ئۆپراسیۆنەکانی دژی چەکدارانی داعش، بەهاوکاری بەڕێوەبەرایەتی گشتی دژە تیرۆر (CTG) لە سنووری پارێزگای سلێمانی، دوو چەکداری داعشیان لە کەلار و بازیان دەستگیرکردوە.
لە ئۆپراسیۆنێکی دیکەشدا هێزەکانی دژەتیرۆری عێراق لە پارێزگای کەرکوک رووبەڕووی چەکدارێکی داعش بونەتەوە و لە بۆسەیەکدا کوژراوە.
لەلایەکی تر هەر ئەمڕۆ لە پارێزگای ئەنبار دەستیان بەسەر کۆگایەکی چەکدارانی داعشدا گرتووە و لەناویان بردووە.