بەدواداچوونی 964
هۆکار چییە لەبەشێکی مزگەوتەکان بە دەنگی ناخۆش بانگ دەدرێت؟
964+
دیلان محەمەد
پێنج فەرزەی خوا لێرە لە مزگەوتەکانەوە دەنگی ئەڵاهوئەکبەر شار پڕ دەکات، هەندێ لە بانگخوێنەکان بە دەنگ و ئاوازێکی خۆش بانگی خەڵک دەکەن بۆ نوێژو زیکرو تاعەت، بەڵام هەندێکی تریان دەنگیان ناسازە.
دکتۆر عیرفان رەشید مامۆستای کۆلێژی زانستە ئیسلامیەکانە لە زانکۆی سلێمانی دەڵێت، ئێمەش ئاگاداری ئەو نەنگیەین و بەدوای چارەسەرێک دەگەڕێین.
دکتۆر کۆچەر عومەر بانگخوازی نێودەوڵەتییە و شارەزاییەکی زۆری هەیە و ماوەیەکی زۆریشە خولی ئەکادیمی دەکاتەوە بۆ شێوازە دروستەکەی بانگدان، ئەو بەروونی جیاوازی نێوان دەنگی خۆش و ناخۆش بۆ بانگدان شیدەکاتەوەو بە پراکتیک شێوازە دروستەکەی بانگدان باس دەکات.
لە وڵاتانی دەرودراوسێ ئەو مەقامانە یەکلایی کراونەتەوە کە بانگیان پێ دەخوێندرێت، گۆران کامیل یەکێکە لە دیارترین موزیکژەنەکانی کوردو ساڵانێکی زۆرە لە بواری موزیکی رۆژهەڵاتیدا کار دەکات، ئەو باس لە گرنگ خوێندنی دەنگە موزیکیەکان دەکات لەلایەن بانگ بێژانەوە.