لە ناحییەی زەڕایەن یەک سەرپێچی تۆمار کراوە

964+

پێشەوا محەمەد

سەرۆکی لیژنە هاوبەشەکانی ناحییەی زەڕایەن لە کارکردنی ئەمساڵی دوکان و شوێنە بازرگانییەکان رازییە، لە مانگی رەمەزاندا تەنیا یەک سەرپێچییان تۆمار کردووە.

ئەحمەد مەحمود، سەرۆکی لیژنە هاوبەشەکانی ناحییەی زەڕایەن بە 964ـی راگەیاند، بەردەوام لیژنەکانیان لەناو بازاڕ و کۆڵان و شەقامەکان چاودێریی دوکان و شوێنە بازرگانییەکان دەکەن.

وتیشی، “ئەمساڵ تەواوی دوکان و شوێنە بازرگانییەکان پابەندی رێنماییەکانن و لە نۆ رۆژی رابردوودا تەنیا یەک مارکێت سزای مادی دراوە هەندێ خۆراکی بەسەرچوو لە مارکێتەکەدا بوو”.

ناحییەکە خاوەنی چوار لیژنەیە و ئەندامیشیان لە لیژنەکانی قایمقامیەتدا هەیە.

سەرۆکی لیژنە هاوبەشەکانی ناحییەی زەڕایەن وتیشی، “ساڵانی رابردوو کارگەکانی شیرینی و دوکانی شیرینی فرۆشەکان زۆر پابەند نەدەبوون، بەڵام ئەمساڵ کێشەیان نییە و سەرجەمیان پابەندی رێنماییە تەندروستییەکانن”.

لیژنەکانی ناحییەی زەڕایەن ژمارە تەلەفۆنەکانیان بڵاوکردووەتەوە و داوایان لە هاوڵاتیان کردووە لە هەرشوێنێک سەرپێچییان بینی ئاگاداریان بکەنەوە.

یەکێک لە پردەکانی ناو زەڕایەن چاک دەکرێت