نهخشهى ئاڕاستهى باران بارین كه به‌نداوه‌كانى كوردستان بڵاویكردووهتهوه.
"ئامادەسازی پێشوەختە بۆ لافاو بکرێت"
له سبه‌ینێوه بارانى چڕ لە هه‌رێمی كوردستان ده‌ستپێده‌كات
964+
فه‌رهاد حه‌سه‌ن
به‌ڕێوه‌به‌رایه‌تیى به‌نداوه‌كان ده‌ڵێت، له سبه‌ى دووشه‌ممه‌وه بارانى چڕ له زۆربه‌ى ناوچه‌كانى هه‌رێمی كوردستان ده‌ستپێده‌كات و پێویسته ئاماده‌سازى پێشوه‌خته بۆ لافاو بكرێت.
بەپێی پێشبینیەکانی کەشناسی USGS ی ئەمریکی کە لە رێی وەزارەتی سەرچاوەکانی ئاوی عێراقەوە به به‌ڕێوه‌به‌رایه‌تى به‌نداوه‌كانى هه‌رێمی كوردستان گه‌یشتووه و پێشبینیەکانی کەشناسی هەرێمی کوردستان، شەپۆلێکی چڕی باران بەڕێوەیە، بەتایبەت لە رۆژانی 18 و 19ـی ئەم مانگە و زۆربەی ناوچەکان دەگرێتەوە.
ئاماژه به‌وه‌كراوه، پێویستە ئامادەسازی پێشوەختە بۆ لافاو بکرێت، بۆ تێپەڕاندنی شەپۆڵەکە بە سەلامەتی و پاراستنی سەروماڵی هاوڵاتیان و پرۆژەکان.
داواش لە هاوڵاتیانی نیشتەجێی سنوری بەنداوەکان، کەنار چەم و رووبارەکان كراوه، لە هەر ئەگەرێکی بەرزبونەوەی ئاستی ئاو ئاگاداربن و خۆیان بپارێزن.