تابلۆی نەخۆشخانەی گشتیی تەقتەق - وێنە: تەندروستیی کۆیە
نەشتەرگەریی تێدا دەکرێت
بەشی نەشتەرگەریی نەخۆشخانەی گشتیی تەقتەق نۆژەن دەکرێتەوە
964+
پێشەوا محەمەد
بەشی نەشتەرگەریی نەخۆشخانەی گشتیی تەقتەق نۆژەن دەکرێتەوە و ئامادە دەکرێت بۆ نەشترەگەری، وتەبێژی تەندروستیی کۆیە دەڵێت، تا ئێستا هیچ نەشتەرگەرییەکی تێدا ئەنجام نەدراوە.
نەخۆشخانەکە سەرجەم بەشەکانی هەیە، بەڵام بەشی نەشتەرگەرییەکەی بەهۆی بەکارنەهێنانی کۆن بووە و پێویستی بە نۆژەنکردنەوەیە.
هاوکار عەلی، وتەبێژی تەندروستیی کۆیە بە 964ـی راگەیاند، دوو جار بانگەواز کراوە کۆمپانیایەک بێت کاری نۆژەنکردنەوەکە وەربگرێت، دواتر لیژنەی یاسایی کۆمپانیاکە یەکلایی دەکاتەوە و دوای نۆژەنکردنەوەکەی لەو نەخۆشخانەیە نەشتەرگەری ئەنجام دەدرێت.
بە وتەی ناوبراو، ئێستا بۆ نەشتەرگەری گەورە دەبێت نەخۆشەکان بچنە شاری کۆیە یان دەرەوەی سنووری قەزای کۆیە.
تەقتەق دوو نەخۆشخانە و مەڵبەندێکی تەندروستیی تێدایە.
تەقتەق 30 گوندی بەسەرەوەیە و ژمارەی دانیشتوانەکەی زیاتر لە 30 هەزار کەسە.
