ئومێد خۆشناو داوا دەکات خەڵک ڤیدیۆی بۆ بنێرن

+964
كوردستان ئەحمەد – هەولێر

پارێزگاری هەولێر دەڵێت هەر كەسێك كێشەیەكی هەیە یان پرسیارێكی هەیە، دەتوانێت بە ڤیدیۆ بۆیان بنێرێت و ئەوانیش وەڵامی دەدەنەوە.

ئومێد خۆشناو، پارێزگاری هەولێر لە پەڕەی تایبەتی خۆی لە فەیسبووك ژمارە تەلەفۆنێكی داناوە و نوسیویەتی، “ئەگەر پرسیار و كێشەتان هەیە، ئەوا لە رێگەی واتسئەپەوە بۆمان بنێرن و ئێمەش وەڵامتان دەدەینەوە”.

سابیر حسێن، بەرپرسی راگەیاندنی پارێزگاری هەولێر بە +964ی راگەیاند، لە  سایتی فەرمی پارێزگای هەولێر بەشێكیان هەیە بۆ سكاڵا و داواكاری و پرسیاری هاوڵاتیان، ئێستاش ئەو ژمارە تەلەفۆنەیان داناوە تاوەکو هاوڵاتیان بتوانن پرسیار لە پارێزگار بكەن و ئەویش وەڵامیان بداتەوە.

پرسیار و وەڵامەكە دەكرێتە بەرنامەیەكی تایبەتی چەند خولەكی و لە رێگەی میدیا و پەیجە فەرمیەكانەوە بڵاودەكرێتەوە.

 هاوڵاتی دەتوانێت پرسیار و تێبینیەكانی بگەیەنێت بە ئومێد خۆشناو لە رێگەی ئەم ژمارە تەلەفۆنەوە 07504990655