خۆزێ مۆرینیۆ. فۆتۆ: ئاژانسەکان
بزانە خەریکی چییە
مۆرینیۆ چاوه‌ڕێی بایرن میونشن ده‌كات
964+
ئه‌رسه‌لان عه‌بدوڵا
خۆزێ مۆرینیۆ راهێنه‌ری پۆرتوگالی خۆی ئاماده كردووه مه‌شقی یانه‌ی بایرن میونشنی ئه‌ڵمانی وه‌ربگرێت.
تۆماس تۆخێلی راهێنه‌ری بایرن میونشن، بارودۆخی باش نییه، چونكه ئه‌نجامه‌كانی خراپن و دوێنێ شه‌ویش به سێ گۆڵ به لیڤه‌ركوزن دۆڕا.
رۆژنامه‌ی بێڵدی ئه‌ڵمانی ئاشكرای كردووه، خۆزێ مۆرینیۆ خه‌ریكه زمانی ئه‌ڵمانی ده‌خوێنێت و خۆی فێری زمانه‌كه ده‌كات، بۆ ئه‌وه‌ی بۆ وه‌رگرتنی ئه‌م ئه‌ركه ئاماده بێت.
سه‌رچاوه‌كه ده‌ڵێت، مۆو سووره له‌سه‌ر وه‌رگرتنی مه‌شقی یانه‌ی بایرن.
مۆرینیۆ مانگی رابردوو له مه‌شقی یانه‌ی رۆمای ئیتالی دوورخرایه‌وه و ئێستا ده‌ستبه‌تاڵه بۆ ئه‌وه‌ی بچێته ئه‌ڵمانیا و چاوه‌ڕێی ئاماژه‌یه‌كی یانه باڤارییه‌كه ده‌كات.
