964+
بۆ ئەو کارمەند و ئەفسەرانەى بڕوانامەیان بەدەستهێناوە
ئاگاداریەک لە وەزارەتی ناوخۆوە
وریا فەتاح
وەزارەتى ناوخۆ ئاگادارى ئەو ئەفسەر و کارمەند و فەرمانبەرانەى وەزارەتەکەى دەکات کە بڕوانامەیان هەیە، بە زوترین کات سەردانى فەرمانگە و بەڕێوەبەرایەتییەکانیان بکەن.
وەزارەتى ناوخۆ لە ئاگادارییەکەیدا داواى کردووە، سەرجەم ئەو ئەفسەر و کارمەند و فەرمانبەرانی سەربە دامەزراوەکانی وەزارەتی ناوخۆن، واتا ئەوانەی بڕوانامەی (بەکالوریۆس، دبڵومی باڵا، ماستەر، دکتۆرا) بەدەستهێناوە، بە زووترین کات سەردانی فەرمانگە و بەڕێوەبەرایەتیەکانیان بکەن بۆ پڕکردنەوەی فورمێکى تایبەت.
هەرچەندە وەزارەتى ناوخۆ هیچ زانیارییەکى لەبارەى فۆڕمەکە نەخستووەتەڕوو، بەڵام مەبەست لەو فەرمانبەر و ئەفسەرانەیە کە بەبێ وەرگرتنی موڵەتی خوێندن، سودیان لە موڵەتی ( بێمووچە، موڵەتی کەڵەکەبوو، موڵەتی دایکایەتی، هتد) بۆ خۆێندن وەرگرتووە و بڕوانامەکەیان بۆ ئەژمار نەکراوە.
964، چەند جارێک لەبارەى ناوەڕۆکى فۆڕمەکە، پەیوەندى بە بەرپرسانى وەزارەتى ناوخۆوە کرد، بەڵام پەیوەندییەکان بێ وەڵام مانەوە.
بۆ پڕکردنەوەى فۆڕمەکە کلیک لێرە بکە…