دوپشکێک - فۆتۆ: ئاژانسەکان
لە ئاکرێ 542 پێوەدانی مار و دووپشک تۆمارکراوە
964+
هاوبەش ئەبوبەکر – سلێمانی
ساڵی 2022 خەڵکی سنوری قەزای ئاکرێ لە پارێزگای دهۆک رەوشیان باش نەبووە بەدەست دووپشک و مارەوە، لەو ساڵەدا 542 حاڵەت هەبووە.
هەمان ساڵ کەسێک بەهۆی پێوەدانی دووپشک گیانی لەدەستداوە، لە رۆژی 23ی حوزەیرانی 2022، منداڵێکی 10 ساڵ بە ناوی هەڤاڵ ساڵح لە گوندی شکەفتێی سنوری ئاکرێ دووپشک پێوەیدا و بەوهۆیەوە گیانی لەدەستدا.
سەباح زوهێر، وتەبێژی تەندروستیی ئاکرێ بە 964+ی راگەیاند، بەراورد بە ساڵی پێشتر ئەو حاڵەتانە کەمیکردووە.
ئەوە لەکاتێکدایە، لە ساڵی 2021 لە سنوری قەزای ئاکرێ 752 کەس مار و دووپشک پێوەی داون، سەباح زوهێر وای وت.
بەپێی ئاماری وەزارەتی تەندروستی ئاکرێ کە ئەمڕۆ یەکشەممە لە رێگەی کۆنفرانسێکی رۆژنامەوانی ئاشکرایان کرد، 44 هەزار و 255 کەس لە ساڵی 2022 سەردانی نەخۆشخانەکانی ئاکرێیان کردووە.