دەزگای گشتی کاروباری مین دەست بە خولەکانی دەکاتەوە

964+

پێشەوا محەمەد

دەزگای گشتی کاروباری مین لە سەرجەم بەڕێوەبەرایەتییەکانی دەست بە خولەکانی دەکاتەوە بۆ تیمەکانی مینلابەری دەستی، کە سەرەتای هەموو ساڵێک ئەنجامی دەدەن.

دەزگاکە 18 تیمی مینلابەری دەستی هەیە و لە کێڵگەکانی کوردستاندا سەرقاڵی پاککردنەوە زەوییە بە مینڕێژکراوەکانن.

جەبار مستەفا، سەرۆکی دەزگای گشتی کاروباری مین بە 964ـی راگەیاند، خولەکان سەرەتای هەموو ساڵێک دەوترێنەوە و ماوەی چەند رۆژێک دەخایەنن.

وتیشی، “ئامانج لێیان زیاتر هۆشیارکردنەوەی تیمەکان و سەرلەنوێ پێداچوونەوە بە زانیارییەکان و شێوازەکانی مینهەڵگرتنەوە و بەکارهێنانی تەکنیکە نوێکان و مەرجە سەلامەتییەکان”.

لەو 776 کیلۆمەتر زەوییەی لە هەرێمی کوردستان بە مین چێندرابوو، 521 کیلۆمەتری پاک کراوەتەوە.

دەزگاکە 35 تیمی مینهەڵگرەوەی هەیە، بەڵام بەهۆی نەبوونی ئۆتۆمبێلەوە تەنیا 18یان چالاک کراون و کاردەکەنە.

دەزگای مین گەشتیاران لە مەترسی مین ئاگادار دەکاتەوە