له نزیك باڵهخانهی پارێزگای سلێمانی ئاگرێك كهوتهوه
964+
رێژوان مامە قادر
نوێکرایەوە 11:13
ئاگرەکە کۆنتڕۆڵ کرا
ئارام عهلی وتهبێژی بهرگریی شارستانیی سلێمانی به 964ی وت، دوای ههوڵی زۆری تیمهكانیان، توانیان ئاگرهكه كۆنتڕۆڵ بكهن و هیچ زیانێكی گیانی نهبووه.
هەواڵی یەکەم
ئەمڕؤ شەممە نزیکی کاتژمێر 09:00، له یهكێك له شوقەکانی نیشتەجێبوون له شاری سلێمانی و له نزیك باڵهخانهی پارێزگا، ئاگرێك كهوتووهتهوه.
تا ئێستا زیانه گیانی و مادییهكانی دیار نین و تیمهكانی بهرگریی شارستانی بهرهو شوێنی ئاگرهكه دهڕۆن.
به پێی زانیارییهكان ئاگرهكه له شوقهیهكی نهورۆز سیتی كهوتووهتهوه.
تیمەکانی بەرگریی شارستانی خەریکی کۆنتڕۆڵی ئاگرەکەن و چوونەتە ناو باڵەخانەکە، ئاگرەکەش لە نهۆمی 12یە.
بە پێی زانیارییەکانی 964 ئاگرەکە بەهۆی گڕگرتنی سپلیتی ماڵەکە روویداوە.
پێداچوونەوە: ئەرسەلان عەبدوڵا