دیمەنی کۆیە لە ئاسمانی شارەکەوە _ وێنە: تۆڕی کۆمەڵایەتی
ئاوی زێی بچووک زیادی کردووە
سۆراغکردن؛ئاوی خواردنەوەی کۆیە بێ کێشەیە
964+
سۆما حه‌كیم زاده
ده‌نگۆى ئه‌وه بڵاوكرایه‌وه كه به‌هۆى بارانبارینى زۆره‌وه له سنوورى قەزاى كۆیه، كێشه‌ى ئاوى خواردنه‌وه بۆ ناوه‌ندى كۆیه و به‌شێك له گونده‌كانى ده‌وروبه‌رى دروست بووه.
باس له‌وه‌كراوه به‌هۆى لێڵبوونی ئاوى زێی بچووكه‌وه پڕۆژه‌ى ئاوى خواردنه‌وه‌ى كۆیه له ته‌قته‌ق وه‌ستاوه و ئاوى پاك به ماڵه‌كانى ئه‌م سنووره نادرێت.
ئه‌م ده‌نگۆیانه له چه‌ند سۆشیاڵ میدیایه‌كی كۆیه‌دا بڵاوكراونه‌ته‌وه.
964 سۆراغى ئه‌م پرسه‌ى كرد و په‌یوه‌ندی به هۆگر كه‌یفى، به‌ڕێوه‌به‌رى فه‌رمانگه‌ى ئاوى كۆیه‌وه كرد و وتى، هەواڵە دوورە لە راستییه‌وه.
ئاماژه‌ى به‌وه‌ش كرد، راستە ئاوی زێی بچووک بەهۆی بارینی بارانی زۆرەوە زیادی کردووە، بەڵام تا ئێستا پاڵاوتنی ئاو لە کۆیە تووشی هیچ کێشەیەک نەبووەوە و بێ کێشە و گرفته.
پێداچوونەوە: توانا نەقی
