گەشتیاران ژینگەی گوندەکەیان پیس دەکەن
ئه‌گه‌ر نیازى “كوڕه‌داوێ”ت هه‌یه ئاگادارى ئه‌م چوار رێنماییه به
964+
فه‌رهاد حه‌سه‌ن
دانیشتوانى گوندى كوڕه‌داوێی سه‌ر به قەزاى ماوه‌ت له سنوورى شارباژێڕ تابلۆیه‌كی نوێیان بۆ گونده‌كه‌یان چه‌قاند و چوار رێنماییان بۆ گه‌شتیاران تیادا نووسیوه كه پێیه‌وه پابه‌ند بن.
به قسه‌ى خه‌ڵكى ئه‌م گونده، زۆرجاران كه گه‌شتیار سه‌ردانى گونده‌كه‌یان ده‌كه‌ن ژینگه پیس ده‌كه‌ن و تاڕاده‌یه‌كیش ده‌بنه هۆی بێزاركردنى ئه‌وان.
له‌سه‌ر تابلۆی نوێی گونده‌كه‌یان چوار خاڵیان وه‌ك رێنمایی بۆ ئه‌و كه‌سانه نووسیوه كه سه‌ردانى گونده‌كه‌یان ده‌كه‌ن.
پاكوخاوێنى ژینگه‌كه‌مان بپارێزه، خێرایی ئۆتۆمبێله‌كه‌ت كه‌مبكه‌وه، خواردنه‌وه كهولییه‌كان و به‌كارهێنانى چه‌ك و راوكردن قه‌ده‌غه‌یه.
باوان رزگار، گه‌نجێكی ئه‌م گونده به 964ـى وت ، به‌پێویستیان زانیوه ئه‌و رێنماییانه بۆ گه‌شتیاران بنووسن، به‌تایبه‌تیش له‌م وه‌زره ژماره‌یه‌كی زۆرى خه‌ڵك سه‌ردانى ده‌كه‌ن.
وتیشی “هیوادارین گه‌شتیاران هاوكارمان بن بۆ پاراستنى ژینگه‌ى گونده‌كه‌مان”.
