کردنەوەی مەنهۆڵەکان لە لایەن شارەوانیی هەولێر. فۆتۆ: شارەوانی یەک
بارانە
به‌م به‌یانییه تیمه‌كانی شاره‌وانی له هه‌ولێر كه‌وتنه ئاماده‌باشییه‌وه
964+
ئه‌رسه‌لان عه‌بدوڵا
به‌ره‌به‌یانیی زووی ئه‌مڕۆ تیمه‌كانی شاره‌وانیی یه‌ك له هه‌ولێر كه‌وتنه‌خۆ بۆ رێگریكردن له دروستبوونی لافاو.
سه‌رۆكایه‌تیی شاره‌وانی هه‌ولێر رایگه‌یاند، له سنووری شاره‌وانیی یه‌ك، تیمه‌كانیان به‌م به‌یانییه سەرقاڵی کردنەوە و خاوێنکردنەوەی مەنهۆڵ و چەپەرەکانی ئاو وەرگرتن بوون لە سنوری بەڕێوەبەرایەتیەکەدا، ئه‌مه‌ش لە پێناو پێشگرتن لە کۆبوونەوەی ئاو و کەمکردنەوەی مەترسیەکانی دروستبوونی لافاو.
ئاماژه‌یان به‌وه‌ش كردووه، سەرەڕای ئەوەی تیمەکانی بەڕێوەبەرایەتیەکانی دیکەی سەر بە سەرۆکایەتی شارەوانیی هەولێر، ئێستا لە ئامادەباشیدان بۆ هەر حاڵەتێکی نەخوازراو.
كاره‌كانی شاره‌وانی یه‌كی هه‌ولێر ناوچه‌كانی ناوبازاڕ و سی مه‌تری و گه‌ڕه‌كه‌كانی ئیسكان و سه‌یداوه ده‌گرێته‌وه.
به پێی پێشبینییه‌كانی كه‌شوهه‌وا تا دووشه‌ممه‌ی داهاتوو بارانبارین به‌رده‌وام ده‌بێت و ئه‌مه‌ش وا ده‌كات شاره‌وانییه‌كان له ئاماده‌باشیدابن بۆ ئه‌گه‌ری لافاو.
