بەشداری پەتریپۆت دەکاتەوە
بەیان بۆمبا: دکتۆرەکان وتیان ئافەرین بۆ ورە بەرزیت
964+
پەری ساڵح
خانمە هونەرمەندی ناسراوی کورد بەیان بۆمبا، بە ورەیەکی بەرزەوە رووبەرووی نەخۆشی شێرپەنجە دەبێتەوە و بەمزوانەش دەگەڕێتەوە سەر شاشەکان.
لە چەند مانگی رابردوودا بەیان بۆمبا رایگەیاند تووشی شێرپەنجە بووە و نەشتەرگەری بۆ ئەنجام دەدرێت، لە لێدوانێکی تایبەت بە 964 وتی، “ئێستا تەندروستیم باشە و دکتۆرەکانیش دەڵێن ئافەرم بۆ ورە بەرزیت”.
بەیان بۆمبا پاش درامای “کۆشکی هەنار” کە مانگی رەمەزان پەخشکرا، لە شاشەکان دوورکەوتەوە، ئێستا سەرقاڵی ئامادەکاری بۆ دوو کاری نوێ، یەکێکیان درامایەکی کۆمیدیە و هەم جدیشە، هاوکات بە نیازیشە لەگەڵ ئەحمەد جۆڵا و ماهیر حەسەنیش بەشداری پەتریپۆت بکاتەوە.
