بنکەیەکی دەنگدان. وێنە: کۆمسیۆنی هەڵبژاردنەکان.
تەنانەت دەنگیان بە خۆشیان نەداوە
ژمارەى ئەو کاندیدانە چەندە کە سفر دەنگیان هێناوە؟
964+
وریا فەتاح
بەپێى ئەنجامە بەراییەکانى کۆمیسیۆن دەردەکەوێت ژمارەیەکى زۆرى کاندید کەمتر لە 10 دەنگیان هێناوە و 35 کاندیدیش هیچ دەنگێکیان نەهێناوە.
دێسکى هەڵبژاردنى 964، شیکارى بۆ ژمارەى دەنگى کاندیدەکان کردووە، تێیدا دەردەکەوێت، 51 کاندید ژمارەى دەنگەکانیان یەک دەنگە، هەروەها 35 کاندید سفر دەنگیان هێناوە.
پارێزگاى بەغداد زۆرترینە و 12 کاندید سفر دەنگیان هێناوە و 18 کاندیدیش تەنها یەکى یەک دەنگیان هێناوە.
هاوکات لە کەرکوک، کاندیدێک سفر دەنگى هێناوە و دوو کاندیدى دیکەش یەکى یەک دەنگیان هێناوە.
بابل تاکە پارێزگا بووە لەسەر ئاستى پارێزگاکانى عێراق، کە هیچ کاندیدێک نەبووە سفر دەنگ یان یەک دەنگى هێنابێت.
