Social Media
منداڵی یانە شەوانەکەی هەولێر خەڵکی کوێیە؟
964+
هێمن بەکر – هەولێر
بە سۆراغی 964+، ئەو منداڵە خەڵکی بەسڕەیە کە لە ڤیدیۆیەکدا دەردەکەوێت و لە یانەیەکی شەوانەی هەولێر پارە بەسەر سەماکارەکاندا ھەڵدەدات.
منداڵەکە تەمەنی 11 ساڵە، لە خوێندن دابڕاوە، ماڵباتەکەی بە ئەسڵ خەڵکی بەسڕەن، بەڵام لە هەولێر نیشتەجێن.
ئەو زانیارییانە، لە لایەن نەبەز عەبدولحەمید، قایمقامی هەولێر بە 964+ دراوە.
ڤیدیۆی منداڵەکە هەر زوو لە تۆڕەکانی کۆمەڵایەتی بڵاوکرایەوە و کاردانەوەی زۆری لێکەوتەوە.
بە قسەی قایمقامی هەولێر، ئەمڕۆ بڕیاری داخستنی یانە شەوانەکەیان داوە و باوکی منداڵەکەش دەستبەسەر کراوە.
964+ دەزانێت، ئەمڕۆ سێشەممە، لیژنەکانی قایمقامیەتی قەزای ناوەندیی هەولێر یانەکەیان داخستووە، بە بیانوی ئەوەی بوونی منداڵ لەو شوێنانە و ئەو جۆرە ھەڵسوکەوتانە، پێچەوانەی مافی منداڵانە.