موچەکەی 300 هەزارە
خێزانێکی خاوەن پێداویستی تایبەت دەنگیان دا
+964
سیروان خورشید- دوزخورماتوو
فەرمان عومەر تەمەن 50 ساڵ، ئەمڕۆ لەگەڵ هاوژین و کوڕە تاقانەکەیان سەرەڕای ئەوەی گوزەرانیان لەو پەڕی خراپیدایە، بەڵام بە گوڕوتینەوە بەشداریی دەنگدانیان کرد.
فەرمان عومەر جگە لەوەی خۆی خاوەن پێداویستی تایبەتە، کوڕە 27 ساڵانەکەشی کەمئەندام و خاوەن پێداویستی تایبەتە.
ئەو پیشەی کارگوزاری یەکێک لە مزگەوتەکانی خورماتووە و دەڵێت “مانگانەکەم 300 هەزار دینارە و بەشی بژێویمان ناکات، چونکە دەبێت مانگانە زیاتر لە 200 هەزار دیناری بدەم بۆ چارەسەری کوڕەکەم”.
لەگەڵ ئەوەشدا ئەم هاوڵاتییە بە هیواوە بەشداریی دەنگدانی ئەنجومەنی پارێزگاکانی کرد.
