نرخی نەوت گۆڕانکاری نوێی تۆمارکرد

964+

فەهمی نەبی

نرخی نەوت لە بۆرسەی جیهانی ژمارەیەکی نوێی تۆمارکرد و هەر بەرمیلێک نەوتی برێنت بەرێژەی %0.27 بەرزبوونەوی تۆمار کرد.

ئەمڕۆ هەینی لەکاتی ئامادەکردنی ئەم هەواڵە نرخی هەر بەرمیلێک نەوتی برێنت بە 76 دۆلار و 82 سەنت بووە، بەڵام دوێنێ بۆرسەی جیهانی بە نرخی 76 دۆلار و 61 سەنت داخرابوو.

هۆکاری ئەو گۆڕانکاریە کەمە و بەرزبوونەوە رێژەییەی نرخی نەوت بۆ ئەو پێشبینیانە دەگەڕێتەوە کە ئاژانسی وزەی جیهانی کردوەیەتی، دەوترێت لەگەڵ دەستپێکی ساڵی نوێ خواست لەسەر کڕینی نەوت زیاد دەکات.

هێندە نا، نەوتی سوکی تەکساسیش بەڕێژەی %0.17 بەرزبووەتەوە و هەر بەرمیلێکی بە 71 دۆلار و 75 سەنتە.

وەک هەمیشە کاتێک گۆڕانکاری لەبەرزبووەنەوەی نرخی نەوت روودەدات نرخی زێڕ دادەبەزێت، ئەم بەیانییە نرخی هەر ئۆنسەیەک زێڕ بە دوو هەزار و 35 دۆلارە.

لەماوەی ئەم مانگە نرخی نەوت لەسەرووی 75 دۆلار مامەڵەی پێوەکراوە، بەڵام رۆژی 30.11.2023 واتا دوو هەفتە لەمەوبەر نرخی هەر بەرمیلێک نەوت لەسەرووی 84 دۆلار مامەڵەی پێوە کراوە.

نرخی نەوت رۆشتەوە سەروو 80 دۆلار