مانگی رابردوو 110 کۆڵبەر بریندار بوون

پێشەوا محەمەد

بەپێی ئامارەکانی رێکخراوی مافی مرۆڤی هەنگاو، مانگی 11 نزیکەی 110 کۆڵبەر لە سنوورە شاخاوییەکانی رۆژهەڵاتی کوردستان بریندار بوون و هەشتیشیان کوژراون.

رێکخراوی مافی مرۆڤی کوردستان، کە چاودێریی رەوشی مافی مرۆڤی رۆژهەڵاتی کوردستان دەکات رایگەیاندووە، 93%ـی بریندارکردن و کوشتنەکان بە تەقەی راستەوخۆی هێزە ئەمنییەکانی ئێران بووە.

رێکخراوەکە ئاماژەی بەوەش داوە، کۆڵبەرێکی منداڵ کوژراوە و 14 برینداریش منداڵن.

مانگی 10 نزیکەی 30 کۆڵبەر بریندار بووبوون، بەڵام بەپێی ئاماری رێکخراوی هەنگاو ئەم مانگە بریداربوون و کوژرانی کۆڵبەر 88 حاڵەت زیادی کردووە.

لەو ئامارە تۆمارکراوەدا پارێزگای سنە بە 93 حاڵەت زۆرترین rێژەی قوربانیبوونی کۆڵبەران و کاسبکارانی تێدا تۆمار کراوە.

دوای ئەویش پارێزگای کرماشان دێت بە 22 حاڵەت.

راپۆرتەکەی رێخکراوی مافی مرۆڤی هەنگاو ئەوەشی تێدا هاتووە، کوشتن و بریندار بوون بە تەقینەوەی مین دوو حاڵەت و رووداوی سروشتی پێنج حاڵەت هەبوون.