نزیکەی 10 هەزار خێزانی هەڵەبجە  ئەمساڵ دوو بەرمیل نەوت وەردەگرن

پێشەوا محەمەد

بەهۆی ئەوەی نزیکەی 10 هەزار خێزانی هەڵەبجە ساڵی رابردوو نەوتیان وەرنەگرتووە، بەو بەرمیلە نەوتەی ئەمساڵەوە دوو بەرمیل وەردەگرن و بەڕێوەبەرایەتیی نەوت و کانزاکانی هەڵەبجە دەڵێت، مافی خۆیانە.

لە پارێزگای هەڵەبجە نزیکەی پێنج ملیۆن لیتر بەسەر نزیکەی 25 هەزار خێزاندا دابەش کراوە و پڕۆسەکەش بەردەوامە.

“ناوشار ماوە و ناوچە شاخاوییەکانمان تەواو کردووە و دووبارە دەست بە دابەشکردنی نەوت دەکەینەوە لە ناوچە شاخاوییەکان”، ئەوە قسەی ژیار ئەکرەم، بەڕێوەبەری بەڕێوەبەرایەتی نەوت و کانزاکانی هەڵەبجەیە بۆ 964.

پارێزگای هەڵەبجە لەگەڵ ئیدارەی گەرمیان پێویستی بە سەر و 80 ملیۆن لیتر نەوت هەیە بۆ ئەوەی هەر خێزانێک 200 لیتر نەوت وەربگرێت.

پارێزگای هەڵەبجە، پێکدێت لە قەزای ناوەندی هەڵەبجە، ناحیەکانی سیروان، بەمۆ، خورماڵ و بیارە، نەوتی سپی لەمساڵدا لەهەر چوار ناحیەکە دابەشکراوەو هەر خانەوادەیەک بەرمیلێک نەوتی وەرگرتووە.