باسی چالاکیەکانی ئەمڕۆی سلێمانی دەکات
هەژان هێرش: بۆ کۆنسێرتی ئێوارە جلێکی کوردانەتر دەپۆشم
964+
دیلان محەمەد – سلێمانی
ئەمڕۆ لە سلێمانی بەبۆنەی یادی 239 ساڵەی دروستبوونی سلێمانییەوە ئین سلێمانی کە پلات فۆرمی تایبەتە بە فێستیڤاڵ و چالاکیەکانی سلێمانی چەندین چالاکی جیاوازی راگەیاندووە.
هەژان هێرش وتەبێژی فەرمی ئین سلێمانی بۆ 964 وتی، چالاکیەکانمان لە باغی گشتی تا 6ی ئێوارە بەردەوام دەبێت و دوو پێشانگای تێدایە بەناونیشانی یادگاری شارێک، دووەمیان سلێمانی پێشەنگی ئەدەبیاتی کوردی شارێکە، هاوکات یاریە کوردەوارییەکان بۆ منداڵان و لە کۆتایشدا یاری ئاگرین نمایش دەکرێت.
هەژان هێرش وەک ئەکتەر و پێشکەشکارێک ئاماژەش دەدات بەوەی هەمیشە لە بۆنەکان بە جلوبەرگی کوردیەوە دەردەکەوێت و دەشڵێت، بۆ کۆنسێرتەکەی ئێوارە کوردەواریتر دەپۆشم.
دوای ئەم چالاکیە ئین سلێمانی کاتژمێر 7 لە تەلاری هونەر کۆنسێرتێکی گەورەی هونەرمەندان نەجمدین غولامی و ئەیوب عەلی و هەژار زەهاوی بەڕێوە دەچێت .