بەهۆی رووداوێکی هاوتوچۆ کەسێک گیانیلەدەستدا و دووانی دیکە بریندارن

هۆگر عەدنان – چەمچەماڵ

ئێوارەی ئەمڕۆ نزیک وێستگەی کارەبای چەمچەماڵ رووداوێکی هاتوچۆ روویدا، کەسێک گیانیلەدەستدا.

رووداوەکە کاتژمێر 6:00ی ئێوارەی ئەمڕۆ بووە لەنێوان ناحیەی تەکیەی کاکەمەند- چەمچەماڵ روویداوە و لەئەنجامی پێکدادانی سێ ئۆتۆمبێل بووە.

نورەدین فەخرەدین بەرپرسی یەکەی فریاکەوتنی خێرای بەڕێوبەرایەتی تەندروستی چەمچەماڵ بە 964ی وت، لە رووداوەکە دوو بریندار و یەک حاڵەتی گیانلەدەستدان هەیە، ئەوەی مردووە گەنجێکی تەمەن 26 ساڵەو خەڵکی کەرکوکە، دوو بریندارەکە خەڵکی چەمچەماڵن و لەئێستادا لەژێرچاودێری پزیشکیدان لەنەخۆشخانەی شەهید پێشرەو لەچەمچەماڵ.

بەڕێوبەرایەتی هاتوچۆی چەمچەماڵ بۆ 964 راستی رووداوەکەیان پشتڕاست کردەوە، بەڵام وتیان “تاکو ئێستا ئەفسەری ئێشکگری ناحیەی تەکیەی کاکەمەند وردەکاری رووداوەکەی بۆ نەناردووین”.