دهۆک و زاخۆ یەکسان بوون بەڵام بێ شەڕی هاندەرانیان نەبوو

964+

هیڤی دێوالی – دهۆک

یاریەکەی نێوان یانەی دهۆک و زاخۆ بە یاکسان بوونی هەردوولا و بەبێ تۆمارکردنی هیچ گۆڵێک کۆتاییهات، بەڵام دوای یاریەکە کێشە کەوتە ناو هاندەرانی هەردوو یانە و شەڕ دروستبوو.

ئەمڕۆ شەممە، لە خولی ئەستێرەکانی عێراق و لە گەڕی سێیەم یانەی دهۆک لە ناو یاریگای خۆی میواندار یانەی زاخۆی کرد.

لەگێمی یەکەمی یاریەکە هەردوو یانە زۆر هێرشیان بۆ سەر گۆڵی یەکتر ئەنجامدا بەڵام گێمەکە بەبێ گۆل و بە یەکسانی هەردوو یانە کوتاییهات.

لە گێمی دووەمی یاریەکەدا راهێنەرانی هەردوو یانە گوڕانکاری زوریان ئەنجامدا بۆ ئەوەی ئەنجامی یاریەکە بگوڕن، بەڵام ئەنجامەکە بە یەکسانی کۆتای هات و هیچ گۆڵێک تۆمار نەکرا.

تا ئێستا هەردوو یانە 21 جار پێکەوە یارییان کردووە، یانەی زاخۆ دوو سەرکەوتن و دهۆک پێنج بردنەوە و 14 جاریش هەردوولا یەکسان بوون.

پێداچوونەوە: توانا نەقی

لە دێربی بادینان دهۆک و زاخۆ یەکسانبوون