بەڕێوەبەرایەتیی کارەبای سلێمانی - وێنە: 964
پێنج محاویلە دادەنرێن
کێشەی کارەبای دوو گەڕەکی سلێمانی چارەسەر دەکرێت
964+
ژووری هەواڵ
کێشەی کارەبای دوو گەڕەکی شاری سلێمانی، کە فشاری زۆریان لەسەرە، بە دانانی پێنج محاویلە چارەسەر دەکرێت.
ئەمڕۆ پێنجشەممە 2.11.2023، سیروان محەمەد، وتەبێژی کارەبای سلێمانی بە 964ـی راگەیاند، کێشەی کارەبای گەڕەکەکانی چوار باخ و جیهان، بە بڕی 150 ملیۆن و 497 هەزار دینار چارەسەر دەکرێت.
پرۆژەکە لەسەر بودجەی داهاتی 8%ی كاره‌با جێبەجێدەکرێت پێنج محاویلەی 400 کەی ڤی دادەنرێت.
“پرۆژه‌كه بریتیه له دانانی سێ محویله‌ی 400 كه‌ی ڤی بۆ مساعدی محاویله‌ی ژماره 6+19 له‌سه‌ر فیده‌ری 172ی چوارباخ، هەروەها دانانی دوو محاویله‌ی 400 كه‌ی ڤی بۆ مساعدی محاویله‌ی 1+14 له‌سه‌ر فیده‌ری 218ی گه‌ڕه‌كی جیهان”، سیروان محەمەد وای وت.
کۆمپانیای کاربین پرۆژەکە جێبەجێدەکات و بڕیاره له‌ماوه‌ی 65 رۆژدا كاره‌كانی ته‌واو بێت.
