ماسیۆ پێری
پاڵەوانەکەی زنجیرەی Friends بە مردوویی دۆزرایەوە
+964
پەری ساڵح
ئەکتەری بەناوبانگی ئەمریکی –کەنەدی ماسیۆ پێری پاڵەوانی زنجیرەی تەلەفزیۆنی ” Friends”لە تەمەنی 54 ساڵی لە ماڵەکەی خۆیدا بە مردوویی دۆزرایەوە.
بە پێی هەواڵی رۆژنامەی “لۆس ئەنجلۆس تایمز” رۆژی شەممە 28.10.2023 ماتیۆ پێری لە لۆس ئەنجلۆس لە ماڵەکەی خۆیدا دۆزراوەتەوە و لێكۆڵینەوەكانیش لەبارەی هۆكاری مردنی ئەو ئەكتەرە دەستی پێكردووە و هەندێک لە سەرچاوەکانیش باس لەوە دەکەن، کە خنکابێت لە ناو بانیۆی گەرماوەکەیدا، بەڵام تەنیا دەنگۆیە.
ماسیو پێری لە ساڵی 1969 لەدایكبووە، لە ساڵانی 1994-2004 بەشداری زنجیرەی Friends ” ” كرد و بەوهۆیەوە ناوبانگێكی جیهانیی بەدەستهێنا، لە ساڵی 2002 بۆ بردنەوەی خەڵاتی ئێمی و چوار جار پاڵێوراوە و بەشداری لە چەندین فیلم و زنجیرەی دیکەشدا کردووە.
وارنەر برۆس بۆ بەرهەمهێنانی فیلم لەدوای بیستنی ئەم هەواڵە لە پەیامێکدا دەڵێت، “ماسیۆ ئەكتەرێکی بەتوانا و لێهاتوو بوو، ئەندامی خێزانەکەمان بوو، لە بواری کۆمیدیا بەهرەمەندێک بوو کە لە دڵی هەموواندا دەژی و ئەمڕۆ رۆژێکی خراپە”
