کرێکارێک لە پلیکانەی باڵەخانەیەک کەوتە خوارەوە و گیانیلەدەستدا

964+

رێژوان مامە قادر – سلێمانی

لە گردی ئەندازیارانی شاری سلێمانی کرێکارێک لە نهۆمی چوارەمی باڵەخانەیەک کەوتووەتە خوارەوە و گیانیلەدەستدا.

چالاک رەئوف، سەرۆکی لقی سلێمانی سەندیکای کرێکارانی کوردستان بە 964ی راگەیاند، رووداوەکە نزیکەی کاتژمێر 11ی سەرلەبەیانی بووە و لە کاتی بردنە سەرەوەی کەوانتەر بۆ ماڵێک لە قادرمەکان کەوتوەتە خوارەوە و گیانیلەدەستداوە.

وتیشی، ئەو کرێکارە خەڵکی سلێمانیە و ساڵی 1966 لەدایکبووە و خێزاندارە.

بەپێی ئەو ئامارانەی دەست 964 کەوتووە، لەماوەی ئەمساڵدا ئەو 36-ەمین کرێکارە لەکاتی کاردا لە هەرێمی کوردستان گیانیانلەدەستدات.

کرێکارێک لە پڕۆژەیەکی نیشتەجێبوونی سلێمانی کەوتووەتە خوارەوە و گیانیلەدەستداوە