لهلایهن ژینگهپارێزانى بارزان
ههڵۆیهكى دهگمهن گەڕێندرایەوە ناو سروشت
فهرهاد حهسهن
دواى ماوهیهك له چاودێری و بهخێوكردنى، ژینگهپارێزان له بارزان، ههڵۆیهكی دهگمهنیان ئازادى ناو سروست كردهوه كه به “ههڵۆى زێڕین” ناسراوه.
تایبهتمهندییهكانى ئهم جۆره ههڵۆیه ئهوهیه، كه دهنوک و نینۆكى پهنجهكانى زۆر تیژ و تۆكمهن و تواناى راوكردن و ههڵگرتنى كهروێشك و رێوى و ههموو جۆره باڵندهیهكی ههیه.
تایبهتمهندییهكى دیكهى ئهم ههڵۆیه ئهوهیه، كه ههر شتێك خۆى راوى نهكردبێت، نایخوات و سنوورى خاكى خۆى دهپارێزێت كه نزیكهى 200 كیلۆمهتر دوجایه.
دهكرێت لهگهڵ مێیینهكهى خۆیدا تا ههتا بهیهكهوه بژین و لهسهر شوێنه بهرزهكانى شاخدا هێلانه دروستدهكهن و مێینهكهى تهنیا چوار هێلكه دهكات و ماوهى شهش ههفته لهسهر هێلكهكان كوڵك دهبێت دوایی دهیانكات به بێچوو.
ملازم سدیق حهسهن، بهڕپرسی بهشی رۆشنبیرى و راگهیاندنى بەتالیۆنی ژینگەپارێزی بارزان، به 964ـى وت، ماوهیهكه ئهم ههڵۆیهیان لهلا بووه و چاودێرى تهندروستیان كردووه، چونكه بههۆى گهرماوه لهیهکێک له ناوچهكانى سنوورى بارزان كهوتبوو و تواناى فڕینى نهمابوو.
دهشڵێت “له سنوورهكهمانه ئهو جۆره ههڵۆیه ههیه، بهڵام له زۆر رووهوه تایبهتمهندى ههیه و له ههڵۆكانى دیكه ناچێت”.