زیاتر لە شەش ملیۆن لیتر نەوت دەدرێتە ناوەندەکانی خوێندن

964+

هاوبەش ئەبوبەکر

حکومەتی هەرێم بڕیاریدا بە دابینکردنی بڕی شەش ملیۆن و 600 هەزار لیتر نەوت بۆ سەرجەم ناوەندەکانی خوێندنی حکومی.

لە سبەینێ پێنجشەممەوە دەستدەکرێت بە دابەشکردنی نەوتەکە و بڕیارە سەرجەم بەڕێوەبەرایەتی گشتیی پەروەردەی پارێزگا و ئیدارە سەربەخۆکان وەریبگرن.

ئەمڕۆ چوارشەممە 4.10.2023، وەزارەتی پەروەردە رایگەیاند، “پێویستە سەرجەم لیژنەکانی وەرگرتن، هەروەها ناوەندەکانی خوێندن دڵنیابن لە بوونی بەڵگەنامەی رێگەپێدانی سامانە سروشتییەکان سەبارەت بە کوالێتی نەوتی دابینکراو بۆیان”.

بۆ ئەمساڵ سەرجەم هاوڵاتیانی سلێمانی فریای نەوت ناکەون

جێبەجێکردنی رێکارەکانی پاراستنی سەلامەتی لە ناوەندەکانی خوێندن، بەپێی گشتاندنێکی وەزارەتی پەروەردە کە لە 24.11.2022 دەرچووە، یەکێکی دیکەیە لە مەرجەکانی پێدانی نەوتەکە.

ئێستا بەرنامەی دابەشکردنی نەوت لای حکومەتی عێراقە، تا ئێستا نازانرێت چۆن دابەشی دەکات، بەڵام لە هەندێک ناوچەی هەرێم بلیتی نەوت دابەشکراوە.