یارییەکی وەرزی رابردووی نێوان جیرۆنا و ریال مەدرید. فۆتۆ:سۆشیال میدیا
کاتژمێر چەند؟
ئه‌مڕۆ جه‌نگی پله‌ی یه‌كه‌می لالیگای ئیسپانیایه
964+
ئه‌رسه‌لان عه‌بدوڵا
ئه‌مڕۆ یاریی لووتكه‌ی خولی ئیسپانیا له نێوان جیرۆنا و ریال مه‌درید به‌ڕێوه‌ده‌چێت و ململانێی هه‌ردوو یانه‌یه بۆ به‌ده‌ستهێنانه‌وه‌ی پله‌ی یه‌كه‌می ریزبه‌ندی.
شه‌وی رابردوو له ده‌ستپێكی گه‌ڕی هەشته‌می لالیگای ئیسپانیا، بارسێلۆنا له ده‌ره‌وه‌ی یاریگه‌ی خۆیدا به 1-0 گۆڵ له یانه‌ی سێڤییای برده‌وه، به‌م ئه‌نجامه به 20 خاڵ پله‌ی یه‌كه‌می ریزبه‌ندی گرت.
ئه‌مڕۆش شه‌ممه چه‌ند یارییه‌كی دیكه له خوله‌كه ده‌كرێن، به‌هێزترینیان یاریی جیرۆنا و ریال مه‌دریده.
جیرۆنا ئه‌م وه‌رزه به‌هێز ده‌ركه‌وتووه و تا دوێنێ شه‌و له پله‌ی یه‌كه‌م بوو، ئێستاش به 19 خاڵ له پله‌ی دووه‌مه، هه‌روه‌ها ریال مه‌درید به خاڵێك كه‌متر له پله‌ی سێیه‌مه.
براوه‌ی یاریی نێوانیان ئه‌مڕۆ ده‌گه‌ڕێته‌وه پله‌ی یه‌كه‌م، هاوكات ئه‌وه‌ی بۆ ریال مه‌درید گرنگه، ڤینیسیۆس جۆنیۆری هێرشبه‌ری یانه‌كه به شێوه‌یه‌كی سه‌ره‌كی ئاماده‌یه و یاریی ده‌كات.
خشته‌ی یارییه‌كانی ئه‌مڕۆ له لالیگا
خیتافی – ڤیاڕیال 03:00
رایۆڤاییكانۆ – ریال مایۆركا 05:15
جیرۆنا – ریال مه‌درید 07:30
ریال سۆسیداد – ئاتلێتیكۆ بیلباو 10:00.