لە هەولێر زیاتر لە 11 کیلۆ مادەی هۆشبەر دەستیبەسەردا گیرا

964+

هاوبەش ئەبوبەکر

بەڕێوەبەرایەتی نەهێشتنی مادە هۆشبەرەکان دەستبەسەرداگرتنی زیاتر لە 11 کیلۆ مادەی هۆشبەری لە هەولێر راگەیاند و دەڵێت، چەند تۆمەتبارێکیش لە سلێمانی و قەڵادزێ دەستگیر کراون.

ئەمڕۆ سێشەممە 26.9.2023، عەقید سەلام عەبدولخالق، وتەبێژی دەزگای ئاسایشی هەرێم بە 964ـی راگەیاند، مادە هۆشبەرەکە لە جۆری کریستاڵە و بڕی 11 کیلۆ و 650 گرامە.

ئەو تۆمەتبارانەی کە مادە هۆشبەرەکەیان پێبووە، پێنج کەس بوون، رۆژی 25.9.2023 لەکاتی دەستگیر کردنیان لە شاری سلێمانی و شارۆچکەی قەڵادزێ، بڕێکی دیکە لە هەمان جۆری مادەی هۆشبەریان پێبووە.

لە هەولێر دەست بەسەر 51 کیلۆ مادەی هۆشبەردا گیرا

“تۆمەتباران پەڕوای لێکۆڵینەوەیان بۆ کراوەتەوە و بەپێی یاسای بەرەنگاربوونەوەی مادە هۆشبەرەکان و کارتێکەرە ئەقڵییەکان رووبەڕوی یاسا دەکرێنەوە”، بەڕێوەبەرایەتی نەهێشتنی مادە هۆشبەرەکان وا دەڵێت.