تۆپی سەرمێزی ئاشتی دەیەوێت ژمارەیەکی قورس بێت
+964
یادگار محەمەد – سلێمانی
یانەی وەرزشی ئاشتی دوا ئامادەکاری بۆ خولی عێراق کرد و دواتریش بەرەو هەولێر گەشتی کرد.
لە دوایەکەی مەشق و راهێنانی تیپی تۆپی سەرمێزی یانەی وەرزشی ئاشتی، حەماسێکی گەورە لە ناو یاریزانەکاندا هەبوو، بۆ ئەوەی لە قۆناغی دووەمی خولی عێراقدا ئەنجامێکی باش دەستەبەر بکەن.
سلێمانی دوا ئامادەکاری بۆ خولی عێراق ئەنجام دا
شاخەوان جەمال راهێنەری هەردوو تیمی کوڕان و کچانی یانەی ئاشتی پێش بەڕێکەوتن بۆ شاری هەولێر بە 964ـی وت، یانەی ئاشتی لە یاریی تۆپی سەرمێزدا مێژوویەکی گەورە و پرشنگداری هەیە، چونکە زۆربەی یاریزانانی یانەکەیان لە ریزی هەڵبژاردەی عێراقدا یاریی دەکەن.
وتیشی، هەمیشە یانەکە پشتیان بە یاریزانانی خۆماڵی ناو فێرگەکەی بەستووە و هیچ کاتێک ئامادەنین پشت بە یاریزانی ئامادەکراو ببەستن.
بڕیارە سبەی پێنجشەممە لە شاری هەولێر، قۆناغی کۆتایی خولی یانە پلە نایابەکانی عێراق بۆ هەردوو ئاستی کوڕان و کچان بەڕێوەبچێت.
یاریزانی نوێی تۆپی سەرمێز لە هەولێر پێدەگەیەندرێن
پێداچوونەوە: ئەرسەلان عەبدوڵا