چهند نمونهیهك له شه‌قبوونى به‌روبوومه‌كانى گه‌رمیان كه بهڕێوهبهرایهتى گشتى كشتوكاڵ بڵاویكردووهتهوه
بزانه بۆچی په‌تاته و خیار و شوتى و هه‌نارى گه‌رمیان شه‌ق ده‌بن؟
964+
فه‌رهاد حه‌سه‌ن
كشتوكاڵی گەرمیان ئاشكراى ده‌كات كه هه‌ندێ له به‌روبوومه‌كانى سنووره‌كه‌یان شه‌ق بوونه و هۆكاره‌كانیشی روونده‌كاته‌وه.
بەڕێوەبەرایەتی گشتی كشتوكاڵی گەرمیان، ئاماژه به شه‌قبوونى هه‌ریه‌ك له په‌تاته و خیار و شوتى وهه‌نار له سنووره‌كه‌ی ده‌كات.
له‌باره‌ى هۆكاره سه‌ره‌كییه‌كانى ئه‌و شه‌قبونه‌ش ده‌ڵێت، ئاودانى زۆر دواى تینوكردنى یه‌كێك له هۆكاره‌كانه.
ئاماژه به‌وه‌ش ده‌كات، پێدانى رێژه‌یه‌كى زۆرى نایترۆجین (یوریا ،كودى كیمیایى سبى ) و پۆتاس كه ئه‌مه‌ش واده‌كات ببێته ناسكبوونى توێكلى ده‌ره‌وه‌ى ئه‌م به‌رهه‌مانه .
كشتوكاڵى گه‌رمیان ئه‌وه‌ش روونده‌كاته‌وه كه ئاودان له كاتى نیوه‌ڕۆ كه پله‌كانى گه‌رما زۆر به‌رزه كێشه بۆ ئه‌و به‌روبوومانه دروست ده‌كات و ده‌بێته هۆى شه‌قبوونیان.
ده‌شلێت “جیاوازى له پله‌كانى گه‌رما له نێوان شه‌و و رۆژدا، هۆكارێكی دیكه‌ى ئه‌و شه‌قبوونه‌یانه”.