وێنە-سۆشیاڵ میدیا
باشترینەکانی مۆندیالی قەتەڕ
964+
توانا نقی – هەولێر
لە دوای بەدەست هێنانی نازناوی مۆندیال لەلایەن هەڵبژاردەی ئەرژەنتین، باشترینەکانی مۆندیال دیاریکران.
خەڵاتی باشترین یاریزانی مۆندیال درا بە لیۆنێڵ مێسی ئەرژەنتینی، بەمەش بوو بە یەکەم یاریزان لە مێژوودا، لە دوو مۆندیالی ٢٠١٤ و ٢٠٢٢ ببێتە باشترین یاریزانی پاڵەوانێتییەکە.
خەڵاتی باشترین گۆڵکاری مۆندیالی قەتەڕ، درا بە کلیان ئێمباپی فەڕەنسی کە توانی هەشت گۆڵ بۆ هەڵبژاردەکەی تۆمار بکات و لە لیۆنێڵ مێسی بباتەوە کە حەوت گۆڵی تۆمار کردبوو.
خەڵاتی باشترین گۆڵپارێزی مۆندیال، ئیمیلیانۆ مارتینێزی گۆڵپارێزی ئەرژەنتین بە دەستیهێنا.
دواین خەڵاتیش خەڵاتی باشتیرین یاریزانی لاوی مۆدیال بوو، کە ئینزۆ فیرناندزی یاریزانی ئەرژەنتین بەدەستیهێنا، بەمەش جگە لەوەی ئەرژەنتین بوو بە پاڵەوانی مۆندیال، سێ لە یاریزانەکەنیشی بوون بە باشترینەکانی مۆندیالی ٢٠٢٢ ی قەتەڕ.