رێگای پێنج گوندی قەزای بازیان قیرتاو دەکرێن

964+

پێشەوا محەمەد

بە گوژمەی 709 ملیۆن دینار رێگای پێنج گوندی سەر بە قەزای بازیان قیرتاو دەکرێن.

گوندەکان بریتین لە؛ ورمزیار، هاڵەی سەرچاوە، کەلاشکەران، سەرچاوە و مۆرتکە.

بوودجەی پڕۆژەکە لە لایەن وەزارەتی ئاوەدانکردنەوە و نیشتەجێکردنەوە تەرخان کراوە.

نەوزاد جەلال، سەرۆکی شارەوانی بازیان بە 964ـی وت، “لەگەڵ بەڕێوەبەرایەتی رێگاوبانی سلێمانی دەرخستەکانمان بۆ رێگای ئەو گوندانە کرد و خۆشبەختانە رەزامەندی جێبەجێکردنیان هاتووەتەوە و پارەیان بۆ تەرخان کراوە”.

لە سنووری پێنج بەڕێوەبەرایەتی شارەوانی قەزای بازیان 52 گوند هەن.