هەولێر و دهۆکیش لێخۆشبوونیان بۆ دەرچوو

964+

توانا نەقی

بڕیاری لێخۆشبوون لە قەرزی کارەبای نێشتیمانی بە رێژەی 15% لەسەر هاوڵاتیانی شاری هەولێر و دهۆک دەرکرا.

ئەمڕۆ چوارشەممە، ئەنجومەنی پارێزگای هەولێر بڵاویکردەوە، دوای ئەوەی نوسراویان بۆ ئەنجومەنی وەزیران کردووە هاوشێوەی پارێزگای سلێمانی لێخۆشبوون بۆ قەرزی کارەبای نێشتیمانی دەربکرێت لە پارێزگای هەولێر و دهۆک.

ئەوەش هاتووە، ئەنجومەنی وەزیران رەزامەندی داوە بە نوسراوی ژمارە(10074) و لە بەرواری 15.8.2023 وەڵامی ئەنجومەنی پارێزگای داوەتەوە و رازی بووە بە داواکەیان.

لێخؤشبوونی قەرزەکە بە رێژەی لە 15%ـیەو بۆ ماوەی سێ مانگە.

لە 23.7.2023 لێخۆشبوونی 15%ـی قەرزی کارەبا لە پارێزگای سلێمانی بۆ ماوەی سێ مانگ چووە بوواری جێبەجێکردنەوە.