یارییەکی پێشووی نێوان ئیسپانیا و کرواتیا. فۆتۆ: سۆشیال میدیا
ئیسپانیا یان کڕواتیا؟
ئه‌مڕۆ یاریی كۆتایی نه‌یشن لیگ به‌ڕێوه‌ده‌چێت
964+
ئه‌رسه‌لان عه‌بدوڵا
ئه‌مڕۆ یه‌كشه‌ممه یاریی كۆتایی و هه‌روه‌ها یاریی دیاریكردنی پله‌كانی سێیه‌م و چواره‌م، له پاڵه‌وانیه‌تیی نه‌یشن لیگ دێنه ئه‌نجامدان، ئیسپانیا و كڕواتیا بۆ نازناوه‌كه رووبه‌ڕوو ده‌بنه‌وه.
نه‌یشن لیگی 2022-2023 ئه‌مڕۆ كۆتایی دێت و تێیدا هه‌ردوو هه‌ڵبژارده‌ی ئیسپانیا و كڕواتیا رووبه‌ڕووده‌بنه‌وه.
یاریی كۆتایی كاتژمێر 09:45 له یاریگه‌ی فاینۆرد له رۆتردامی هۆڵه‌ندا ده‌كرێت.
قۆناغی پێش كۆتایی پاڵه‌وانیه‌تییه‌كه له هۆڵه‌ندا كرا، كه تیپه‌كانی ئیسپانیا، كڕواتیا، هۆڵه‌ندا و ئیتالیا به‌شداربوون.
له قۆناغی پێش كۆتاییدا كڕواتیا به 4-2 گۆڵ له هۆڵه‌ندای برده‌وه، ئیسپانیاش به 2-1 گۆڵ له ئیتالیای برده‌وه.
هه‌ر ئه‌مڕۆ كاتژمێر 04:00 یاریی دیاریكردنی پله‌كانی سێیه‌م و چواره‌م له نێوان هۆڵه‌ندا و ئیتالیا به‌ڕێوه‌ده‌چێت.
پاڵه‌وانیه‌تیی خولی نه‌ته‌وه‌كانی ئه‌وروپا “نه‌یشن لیگ” له 2018-2019 ده‌ستپێكرد و تا ئێستا سێ وه‌شانی به‌ڕێوه‌چووه، پۆرتوگال و فه‌ڕه‌نسا له دوو وه‌شانی رابردوودا نازناوه‌كه‌یان به‌ده‌ستهێناوه.